Kenarroud : Rankout a ra an embregerezhioù bezañ gwelet war ar genrouedad en ur bed ma
kaver an niverel e pep lec'h e bed ar c’hehentiñ hag ar marketing.
Evit gwir eo deuet ar rouedadoù sokial da vezañ hollbouezus evit kement embregerezh ha kement
framm a faot dezhañ en em zisheñveliñ diouzh ar re all. Ha kement-mañ evit tizhout e balioù en
oc’h en em harpañ war an doareoù hag an arc'hwelioù a bep seurt a c'haller implijout war pep
savenn.
E-giz-se ez eo pal ar merañ kumuniezh (community management) evezhiañ, kontrolliñ, levezoniñ
ha difenn interestoù an embregerezhioù dre ar rouedadoù sokial. Ret eo d’an dud karget eus ar
c’hehentiñ sokial media heuliañ ur stummadur evit deskiñ merañ kumuniezh o embregerezh.
Pal hollek : Ar stummadur-mañ a denn d'an elfennoù diazez evit sikour an dud e karg eus ar
c'hehentiñ da wellaat gwelusted o embregerezh pe o framm war Facebook hag Instagram,
a-drugarez d’ar Meta Business Suite en ur sevel ur strategiezh kehentiñ azas ha reizh.
Palioù pedagogel : War-lerc’h ar stummadur e c’hallo ar berzhidi :
- Anavezout an implij micherel eus Facebook hag Instagram
- Krouiñ kontoù micherel gwellekaet
- Termeniñ ur strategiezh endalc'had
- Krouiñ un endalc'had a engouestl
- Implijout etrefas Meta Business Suite
- Aozañ ha kas embannadennoù en-dro
- Sponsorañ embannadennoù war Facebook hag Instagram
- Aozañ ar strategiezh diouzh an efedusted
Danvez :
Degemer ar berzhidi ha kinnig ar stummadur :
- ● Degemer ar berzhidi
- ● Palioù ha mont en-dro ar stummadur
- ● Programm resis an 2 zevezh
- ● Tro an daol evit gouzout ar pezh a vez gortozet gant ar berzhidi
Pal 1 – Anavezout an implij micherel eus Facebook hag Instagram :
- ● Pouez ar rouedadoù sokial evit an embregerezhioù
- ● Difforc'hioù ha kenglokadurioù Facebook hag Instagram
- Skouerioù eus berzh
Priziañ ha/pe labourioù pleustrek : GLD, poelladennoù pleustriñ
Pal 2 – Krouiñ kontoù micherel gwellekaet :
- Krouiñ ur gont micherel Facebook hag Instagram
- Gwellekaat ho profil (luc'hskeudenn brofil, buhezskrid, daveennoù)
- Kefluniañ an titouroù diazez (eurioù digeriñ, deskrivadur, liamm d’al lec’hienn genrouedad)
- Priziañ ha/pe labourioù pleustrek : GLD, poelladennoù pleustriñ
Pal 3 – Termeniñ ur strategiezh endalc'had :
- Anavezout ar bukennoù
- Termeniñ palioù (brud, engouestl, amdroadur) gant an hentenn SMART
- Anavezout an endalc'hadoù azasaet a-bep seurt (embannadennoù, stories, Reel, videoioù
- war-eeun)
- Sevel al linenn-stur (deiziañ an embannadennoù, ton ha frekañs embann)
Priziañ ha/pe labourioù pleustrek : GLD, poelladennoù pleustriñ
Pal 4 – Krouiñ un endalc'had a engouestl :
- Implijout binvioù evit krouiñ endalc'hadoù
- Anavezout an doareoù mat da grouiñ skorioù-gwelet ha videoioù dedennus
- Skrivañ testennoù engouestlus
- Lakaat an doareoù mat da dalvezout : hashtagoù efedus ha buhezskrid gwellekaet
Priziañ ha/pe labourioù pleustrek : GLD, poelladennoù pleustriñ
Pal 5 – Implijout etrefas Meta Business Suite :
- Kinnig an etrefas
- Kefluniañ er penn-kentañ ar Porched Business
- Liammañ ar c'hontoù Facebook hag Instagram
Priziañ ha/pe labourioù pleustrek : GLD, poelladennoù pleustriñ
Pal 6 – Aozañ ha kas en-dro embannadennoù :
- Krouiñ ha programmiñ embannadurioù dre Meta Business Suite
- Implijout ar steuñver endalc'had
- Animañ ha habaskaat an evezhiadennoù hag ar c'hemennadoù
Priziañ ha/pe labourioù pleustrek : GLD, poelladennoù pleustriñ
Pal 7 –Sponsorañ embannadennoù war Facebook hag Instagram :
- Lakaat kemm etre sponsorañ ha bruderezh ( Facebook Ads hag Instagram Ads)
- Krouiñ koulzadoù sponsorañ (krouiñ ar gont brudañ, palioù, heklevioù, budjed)
- Heuliañ ha gwellekaat an efedusted
Pal 8 – Aozañ ar strategiezh diouzh an efedusted :
- Implijout ar binvioù dielfennañ (Insights)
- Talvoudekaat ar roadennoù Merkerioù Pennañ a Efedusted - KPI (kontoù tizhet, engouestt,
- amdroadur)
- Krouiñ ho taolennoù-stur evit skrivañ un danevell dielfennañ
- Keidañ ar strategiezh diouzh an disoc'hoù
Priziañ ha/pe labourioù pleustrek : Sevel ur rentañ-kont dielfennañ ha sponsorañ un embannadenn
war Instagram ha Facebook.
Implij-amzer :
Devezh 1 :
mintin : pal 1 + pal 2 -- goude kreisteiz : pal 3 + pal 4
Devezh 2 :
mintin : pal 5 + pal 6 -- goude kreisteiz : pal 7 + pal 8
Hentennoù ha binvioù pedagogel :
Savet eo ar stummadur-mañ war un deskiñ oberiant diazezet war skouerioù pleustrek. Lakaat a ra
ar stajidi d'ober traoù fetis diwar barregezhioù a bep seurt, dre poelladennoù hiniennel hag a-stroll,
ha dre c'hoarioù roll. Kreñvaet e vo o emzalc'h prederiañ hag oberiant gant ar meizadoù pleustrek
hag hollek a vo diskouezet dezhe.
Priziañ :
Priziañ ar pep desket gant ar stajidi :
A-raok ar stummadur : emziagnostik an deskidi
E-pad ar stummadur : priziet e vo ar skiant-desket gant GLD, poelladennoù pleustriñ ha studiañ
skouerioù.
E dibenn ar stummadur : priziet e vo ar skiant-desket dre steuñviñ un danevell dielfennañ ha
sponsorañ un embannadenn war Instagram ha Facebook gant Meta Business Suite (S.o. : pal 8).
War-lerc'h : emziagnostik loc'hañ + en em zibab en ur blegenn skouer
Kadarnaet e vo ar stummadur-mañ gant un testeni stummañ.
Priziañ ar stummadur : Priziet e vo ar stummadur war ar prim dre implijout ur c’houlennaoueg
laouenidigezh.
Ar publik :
Merourien kumuniezh bep ur mare, krouerien embregerezh, artizaned, kenwerzherien,
emembregerien, merourien kumuniezh bep ur mare evit kevredigezhioù, kluboù sport ha kement
aozadur all a faot dezho diorren o rouedad vicherel war Facebook hag Instagram.
Rakrekizoù : Anaoudegezh diazez war implij Facebook hag Instagram
Rakrekizoù teknikel :
- ● Dont gant un urzhiataer hezoug pe un dablezenn hag un telefon hezoug
- ● Kaout ur profil personel Facebook
- ● Kaout anaouderioù kevreañ ar c'hontoù personel ha micherel a vo implijet
Aesaat d'an dud nammet :
Deuit davedomp evit reiñ deomp da c’houzout e peseurt plegenn emaoc’h.
Dielfennañ a raimp kement goulenn a zo evit gouzout peseurt azasadurioù a vo posubl hag
ezhomm anezhe.
Padelezh ha mont en-dro ar stummadur :
Stummadur 14 eurvezh war al lec’h (2 zevezh) a c’haller heuliañ e-korf 4 fenn-devezh 3 eurvezh
hanter diouzh ret.
Evel-henn e vez dasparzhet an devezh : 9e00 da 12e30 ha 1e30 da 5e00.
Stummadur etre embregerezhioù : d’an deiziadoù raktreset gant Nat B.Good
Stummadur e diabarzh an embregerezh : d'an deiziadoù a glot gant an embregerezhioù hag ar
frammoù a c’houlenn.
Lakaat e/hec’h anv :
Stummadur etre embregerezhioù : dre ar furmskrid enskrivañ pe goude bezañ komzet gant
Natacha Guénolé.
Stummadur e diabarzh an embregerezh : goude bezañ bet an titouroù ha bezañ komzet e
c’hallimp furmelaat ur programm stummañ an tostañ ar gwellañ d’hoc’h ezhommoù.
Goulennet e vo diganeoc’h, a-raok ar stummadur, reiñ deomp da c’houzout e peseurt stad emañ
kontoù sokial micherel an embregerezh a zo anezhe dija.
