Kenarroud : Rankout a ra an embregerezhioù bezañ gwelet war ar genrouedad en ur bed ma
kaver an niverel e pep lec'h e bed ar c’hehentiñ hag ar marketing.
Evit gwir eo deuet ar rouedadoù sokial da vezañ hollbouezus evit kement embregerezh ha kement
framm a faot dezhañ en em zisheñveliñ diouzh ar re all. Ha kement-mañ evit tizhout e balioù en
oc’h en em harpañ war an doareoù hag an arc'hwelioù a bep seurt a c'haller implijout war pep
savenn.
E-giz-se ez eo pal ar merañ kumuniezh (community management) evezhiañ, kontrolliñ, levezoniñ
ha difenn interestoù an embregerezhioù dre ar rouedadoù sokial. Ret eo d’an dud karget eus ar
c’hehentiñ sokial media heuliañ ur stummadur evit deskiñ merañ kumuniezh o embregerezh.
Pal hollek : Savet eo bet ar stummadur-mañ a-ratozh evit an dud a ra war-dro kontoù sokial
embregerezhioù pe frammoù micherel hag a fell dezho sevel ur strategiezh evit bezañ gwelloc’h
muioc’h.
Pal pedagogel : War-lerc’h ar stummadur e vo gouest ar berzhidi da :
- Termeniñ petra eo ur c’hehentiñ micherel war ar rouedadoù sokial
- Sevel ur strategiezh endalc'had
- Krouiñ un endalc'had efedus
- Lakaat enlinenn ha brudañ un endalc'had
- Priziañ an disoc'hoù gant ar menegerioù efedusted pennañ (KPI)
Danvez :
Degemer ar brezhidi ha kinnig ar stummadur :
- Degemer ar berzhidi
- Paliou an devezh ha mont en-dro ar stummadur
- Tro an daol evit gouzout petra a zo gortozet gant ar berzhidi
Pal 1 – Termeniñ petra eo ur c’hehentiñ micherel war ar rouedadoù sokial :
- Kinnig ar rouedadoù sokial pennañ
- Facebook, Instagram, Twitter, LinkedIn, TikTok, h.a.
- Stadegoù an implij hag an tuadurioù a vremañ
- Pouez ar c'hehentiñ niverel evit an embregerezhioù
- Spletoù ha daeoùKenglokaat ar rouedadoù sokial / lec'hienn genrouedad
- Priziañ ha/pe labourioù pleustrek : GLD
Pal 2 – Sevel ur strategiezh endalc'had :
- Dielfennañ ar stad a vremañ
- Aodit rouedadoù sokial an embregerezh
- Dielfennañ ar c'hevezerezh
Termeniñ palioù
- Hentenn SMART
Termeniñ an heklev buket
- Personae hag heklevioù
- Emzalc'hioù ha gortozioù
Priziañ ha/pe labourioù pleustrek : GLD, poelladennoù pleustriñ
Pal 3 – Krouiñ un endalc'had efedus :
- Anavezout an endalc'hadoù a bep seurt
- Endalc'had gwelet : skeudennoù, videoioù, stlenngrafennoù
- Endalc’had skrivet : pennadoù, postoù, testennoù, hashtagoù
- Endalc’had etreoberiat : sontadegoù, kwiz, stories
Dibab e vinvioù krouiñ endalc'had
- Canva, Adobe Spark, Hootsuite, Buffer, Swello, Iconosquare, h.a.
Steuñviñ ha lakaat an deiziadur embann war-sav
- Frekañs an embann
- Temoù ha furmadoù
Priziañ ha/pe labourioù pleustrek : GLD, poelladennoù pleustriñ
Pal 4 – Lakaat enlinenn ha brudañ an endalc'had :
- Diforc'hañ an teknikoù brudañ
- Sponsorañ
- Bruderezh da baeañ : Facebook Ads, Instagram Ads, LinkedIn Ads
- Kevelerezhioù hag levezonerien
Aozañ ar strategiezh skignañ
- Eurioù embann
- Impljout an hashtagoù
- Engouestl gant ar gumuniezh ha galvoù d'ober (CTA)
Priziañ ha/pe labourioù pleustrek : GLD, poelladennoù pleustriñ
Pal 5 – Priziañ an disoc'hoù gant ar menegerioù efedusted pennañ (KPI) :
- Anavezout ar c’h/KPIoù hag ar merkerioù efedusted
- Feur engouestl, kontoù tizhet, amdroadurioù, ROI
Implijout ar binvioù dielfennañ
- Binvioù stadegel ar rouedadoù sokial, stadegoù Iconosquare
- Krouiñ e daolennoù-stur evit sevel un danevell dielfennañ
Azasaat ha gwellekaat ar strategiezh
- Dielfennañ an disoc’hoù
- Reizhañ ha remediañ dre wellaat bepred
Priziañ ha/pe labourioù pleustrek : GLD, poelladennoù pleustriñ
Implij-amzer :
Mintin : pal 1 + pal 2 + pal 3
Goude kreisteiz : pal 3 + pal 4 + pal 5
Hentennoù ha binvioù pedagogel :
Savet eo bet ar stummadur-mañ war un deskiñ oberiant diazezet war skouerioù pleustrek. Lakaat a
ra ar stajidi d'ober traoù fetis diwar barregezhioù a bep seurt, dre poelladennoù hiniennel hag
a-stroll, ha dre c'hoarioù roll. Kreñvaet e vo o emzalc'h prederiañ hag oberiant gant ar meizadoù
pleustrek hag hollek a vo diskouezet dezhe.
Priziañ :
Priziañ ar pep desket gant ar stajidi :
A-raok ar stummadur : emziagnostik an deskidi
E-pad ar stummadur : priziet e vo ar skiant-desket gant GLD, poelladennoù pleustriñ ha studiañ
skouerioù.
E dibenn ar stummadur : priziet e vo ar skiant-deskiñ en ur sevel framm un danevell dielfennañ ha
sponsorañ un embannadenn war Instagram ha Facebook (palioù 4 ha 5).
War-lerc'h : emziagnostik loc'hañ + en em zibab en ur blegenn skouer
Kadarnaet e vo ar stummadur-mañ gant un testeni stummañ.
Priziañ ar stummadur : Priziet e vo ar stummadur war ar prim dre implijout ur c’houlennaoueg
laouenidigezh.
Ar publik : Kargad·ez a gehentiñ niverel, merour·ez kumuniezh, kargad·ez a gehentiñ,
atebeg·ez kehentiñ hollek pe diavaez, kargad·ez a zarempredoù foran.
Rakrekizoù : Anaoudegezh diazez eus implij Facebook hag Instagram
Rakrekizoù teknikel :
- Bezañ embannet danvez dija war ur rouedad sokial
- Kaout ur Meta Business Suite digor dija en anv an embregerezh/framm
- Kaout un urzhiataer hag ur pellgomzer hezoug a c'haller implijout Facebook, Instagram ha
- LinkedIn ganto
- Kaout an anaouderioù kevreañ eus ar c'hontoù personel ha micherel a vo implijet
Aesaat d'an dud nammet :
Deuit davedomp evit reiñ deomp da c’houzout ho stad.
Dielfennañ a raimp kement goulenn a zo evit gouzout peseurt azasadurioù a vo posubl hag
ezhomm anezhe.
Padelezh ha mont en-dro ar stummadur :
Stummadur 7 eurvezh war al lec’h (1 devezh), a c’haller heuliañ e-korf 2 benn-devezh 3 eurvezh
hanter diouzh ret.
Evel-henn e vez dasparzhet amzer an devezh : 9e00 da 12e30 ha 1e30 da 5e00.
Stummadur etre embregerezhioù : d’an deiziadoù raktreset gant Nat B.Good
Stummadur e diabarzh an embregerezh : d'an deiziadoù a glot gant an embregerezhioù hag ar
frammoù a c’houlenn.
Lakaat e/hec’h anv :
Stummadur etre embregerezhioù : dre ar furmskrid enskrivañ pe goude bezañ komzet gant
Natacha Guénolé.
Stummadur e diabarzh an embregerezh : goude bezañ bet an titouroù ha bezañ komzet e
c’hallimp furmelaat ur programm stummañ an tostañ ar gwellañ d’hoc’h ezhommoù.
Goulennet e vo diganeoc’h, a-raok ar stummadur, reiñ deomp da c’houzout e peseurt stad emañ
kontoù sokial micherel an embregerezh a zo anezhe dija.
